Oops! មានការប្រទះឃើញ «ពន្លឺចម្លែកនៅ​ប៉ូលខាងជើង​ផែនដី» ដែលខុស​ពីពន្លឺ Aurora ដូចសព្វមួយដង…

0

 

(អាមេរិក)៖ អ្នកវិទ្យាសាស្រ្តជាជន​សាមញ្ញមួយក្រុម បានជួយរកឃើញ​ប្រភេទពន្លឺ Aurora ថ្មីមួយដែលពួកគេ​បានដាក់ឈ្មោះថា «ស្ទេវ (Steve)» ​ហើយឥឡូវនេះ​អង្គការ NASA ចង់បានជំនួយ​ពីមជ្ឈដ្ឋានសាធារណៈ​ថែមទៀត ក្នុងការផ្តិតយករូបភាព នៃបាតុភូត​ដ៏ចម្លែកនោះ។ នេះបើតាម​ការចដកស្រង់​ការផ្សាយចេញ​ពីវែបសាយ​អវកាស-វិទ្យាសាស្រ្ត Space.com នៅរសៀល​ថ្ងៃសុក្រ ទី១៦ ខែមីនា ឆ្នាំ២០១៨។

សមាជិក​របស់ Facebook Page មួយ ដែលមាន​ឈ្មោះថា Alberta Aurora Chasers បានធ្វើកំណត់​នូវពន្លឺម៉្យាងដូច​ទៅនឹងពន្លឺ Aurora ដែល​​មានវត្តមាន​នៅប៉ូលខាងជើង (ហៅថា Northern Light ឬ Aurora Borealis) និងនៅប៉ូល​ខាងត្បូង (ហៅថា Southern Light ឬ Aurora Australis) ដោយពន្លឺ​ចម្លែកត្រូវ​បានគេប្រទះឃើញ​ នៅលើផ្ទៃមេឃនៃ​តំបន់ភាគខាងលិច​ប្រទេស​កាណាដា។

មិនដូចទៅ​នឹងពន្លឺ Aurora ដទៃទៀតឡើយ បាតុភូតនេះដែលក្រុមអ្នក​វិទ្យាសាស្រ្ត​ដាក់ឈ្មោះកាត់ឲ្យថា STEVE មើលទៅគឺមាន​ពន្លឺមាន​ឆ្នូតពណ៌ស្វាយ​លាយបៃតងខុស​ប្លែកពីធម្មតា ហើយបើតាម NASA វាកើតមាន​ឡើងនៅទាប​ជាងពន្លឺ Aurora ភាគច្រើន។

គួរជម្រាបនេះ នាពេលនេះ​គម្រោងវិទ្យាសាស្រ្តមួយ ​សម្រាប់ជនសាមញ្ញ​ទាំងឡាយ​ ដែលមាន​ចំណា​ប់អារម្មណ៍ ហៅថា Aurorasaurus ដែលទទួល​ការឧបត្ថម្ភ​ថវិកាពី NASA និងពីមូលនិធិ​វិទ្យាសាស្រ្តជាតិ​អាមេរិក កំពុងអំពាវនាវរក​ជំនួយពីមហាជននានា ក្នុងការ​ស្វែងយល់​​បន្ថែមពី​​ពន្លឺ STEVE។ មនុស្សម្នាមកពីគ្រប់ទិសទី​ជុំវិញពិភពលោក អាច​រាយការណ៍ឲ្យ NASA បានដឹងពីទីតាំង​ដែលពួកគេ បានឃើញ​ពន្លឺ​ Aurora ដោយរួម​បញ្ជូល​ទាំង STEVE និងបង្ហោះរូបភាព​របស់ពួកវាលើ​បណ្តាញ​អ៊ីនធើណែត ឬប្រើ​កម្មវិធី Aurorasaurus លើទូរស័ព្ទ​ដៃ​​ក៏​បាន។

ចាប់តាំងពី​ការរកឃើញរបស់វា ពន្លឺ STEVE ត្រូវបានគេប្រទះ​ឃើញនៅចក្រភពអង់គ្លេស កាណាដា រដ្ឋអាឡាស្កា តំបន់ភាគខាងជើង​​អាមេរិក ព្រមទាំងនូវែលសេឡង់។ ប្រសិនបើការកកើតពន្លឺស្ទេវ មិនដូចជាពន្លឺ Aurora ទេនោះ អ្នកវិទ្យាសាស្ត្រនឹងប្រកាស​ប្រាប់របកគំហើញថ្មីនេះ ដូច្នេះភាពពន្លឺនៃពន្លឺស្ទេវ នឹងត្រូវរង់ចាំពេកបកស្រាយ​បន្ថែម៕

ចែករំលែក